तीज (२०२४) एडिलेड नेपाली समाजको आयोजनामा पुजा तथा नाच गान सहितको तिज विशेष कार्यक्रम (२०२४ सेप्टेम्बर ७ )सम्पन्न भएको भयो । भाद्र शुक्ल तृतियामा मनाइने पर्व अर्थात नेपाली नारीहरुको पर्व हरितालिका तिज स्थानिय क्लोभेली पार्क मेमोरियल हल एवं परिसरमा आयोजित कार्यक्रममा १२०० भन्दा बढि सहभागिता रहेको थियो । तिजकै दिनमा बर्त बसेर घरमा बस्नु पर्ने अबस्थालाई अन्त्य गर्दै समाजले पुजा सहितको सांस्कृतिक कार्यक्रमको आयोजना गरेकोमा भक्तजनहरुले खुशी व्यक्त गर्नु भएको थियो । हल परिसरमा निर्माण गरिएको जग्गेमा ब्रतालुहरुलाई एडिलेडमा विगत केहि बर्ष देखि धार्मिक कार्यहरु गराउदै आएका शास्त्री संभव सुवेदीले बैद्धिक विधीबाट पुजा गराएका थिए । परम्परागत भाकाका तिज गितमा नेपालबाट आएका अभिभावकहरुको सहभागिताले निकै रौनकता थपिएको थियो । कार्यक्रममा हलुवा, अचार, तरकारी, चिया समेतको व्यवस्था गरिएको थियो । समाजका अध्यक्ष श्याम दहालले तिजकै दिनमा विशेष कार्यक्रम आयोजना गरिएको बताउदै समाज यहा रहेका चेलीहरुको माइतीका रुपमा निमन्त्रणा गरेर कार्यक्रम आयोजना गरेको बताउनु भयो । उहाले समाजले स्थापना २०१२ देखि दर कार्यक्रमहरु गरेको तर नेपालीहरुको संख्या बढे संगै अन्य संस्था तथा व्यवसायी ईभेन्ट आयोजकहरुले पनि गरिरहेको अवस्थामा समाजले अझै अगाडि बढेर तिज विशेष कै दिनमा कार्यक्रम आयोजना गरेको बताउनुभयो । चन्द्रकोट ज्वेलर्सले सौजन्य मंगलसुत्र राखेर राफल समेत खोलिएको थियो । 3. देउसी भैलौ (२०२४) एडिलेड नेपाली समाजद्धारा बार्षिक कार्यक्रम अन्तर्गत आयोजित देउसी भैलौ (२०२४ अक्टोबर ३०) सम्पन्न भयो । तिहारको विशेष परिकार `सेल´ तरकारी अचारको समेत व्यवस्था गरिएको थियो । कार्यक्रम मिचेल पार्कमा आयोजना गरिएको थियो । 4. अष्ट्रेलिया डेमा नेपाली समुदायको सहभागिता २०२५ सन् १७८८ जनवरी २६ मा ग्रेट व्रिटेनबाट २५२ दिन लगाएर अर्थर फिलिपको नेतृत्वमा झण्डै १५०० मानिस सहित आएको पानीजहाज अष्ट्रेलियाको सिड्नीमा रोकिएको थियो । त्यहि दिन दिनको संझनामा अष्ट्रेलिया डे मनाईदै आएको छ । २३७ वर्ष अघि बेलायतबाट पहिलो पानी जहाज आईपुगेको दिनको सम्झनामा यस बर्ष पनि अष्ट्रेलिया राजधानी सहित सबै राज्यहरुमा अष्ट्रेलिया दिवस अर्थात Australia Day मनाईने गरिएको छ । यसै क्रममा साउथ अष्ट्रेलियाको एडिलेडमा समेत अष्ट्रेलिया डे काउन्सिल अफ साउथ अष्ट्रेलियाको आयोजनामा सरकारी तवरबाटै मनाईने गरिएको छ ।

एडिलेड नेपाली समाज अष्ट्रेलियाको नयाँ कार्यसमिति चयन

एडिलेड, साउथ अष्ट्रेलिया — २८ साउन।
साउथ अष्ट्रेलियामा क्रियाशील नेपाली सामाजिक संस्थामध्ये पुरानो संस्था एडिलेड नेपाली समाज अष्ट्रेलियाको छैठौँ द्विवार्षिक साधारणसभाबाट आगामी दुई वर्ष २०२४–२०२६ कार्यकालका लागि नयाँ कार्यसमिति सर्वसम्मत रूपमा चयन भएको छ।

वि.सं. २०८१ साल श्रावण २६ गते, तदनुसार १० अगस्ट २०२४ मा सम्पन्न साधारणसभाले श्याम दहालको नेतृत्वमा १९ सदस्यीय नयाँ कार्यसमिति चयन गरेको हो।

साधारणसभाबाट निर्वाचित नयाँ कार्यसमितिले आगामी दुई वर्ष एडिलेडमा रहेका नेपाली समुदायको एकता, सहकार्य, सामाजिक सेवा तथा नेपाली कला, संस्कृति र परम्पराको संरक्षण र प्रवर्द्धनमा थप सक्रिय भूमिका निर्वाह गर्ने अपेक्षा गरिएको छ।

यसै अवसरमा २०२२–२०२४ कार्यकाल सफलतापूर्वक सम्पन्न गरेको निवर्तमान कार्यसमितिलाई हार्दिक बधाई तथा धन्यवाद ज्ञापन गरिएको छ। साथै, नव निर्वाचित अध्यक्ष श्याम दहालसहित सम्पूर्ण कार्यसमितिलाई सफल कार्यकालको हार्दिक शुभकामना व्यक्त गरिएको छ।

एडिलेड नेपाली समाज अष्ट्रेलियाको छैठौँ साधारणसभा(२०२४ अगष्ट १०)बाट दुई वर्षका लागि श्याम दहालको नेतृत्वमा नयाँ कार्य समिति चयन भएको थियो ।  जसको उपाध्यक्षमा बालगोपाल उपाध्याय र एलिजा ढकाल (पदेन उपाध्यक्ष , प्राचार्य एडिलेड नेपाली विद्यालय), सचिव सागर श्रेष्ठ, उपसचिव जीवन प्रसाद भट्टराई, कोषाध्यक्ष आनन्द वखरेल, सदस्यहरुमा सुरेन्द्र रेग्मी,देवराज कडेल, सुर्य आचार्य, आर के शर्मा, गणेश पराजुली, विकास पौडेल( उदास), लक्ष्मी सापकोटा आचार्य, सन्दिप बस्नेत, सुधा सापकोटा, दिपा दहाल, श्याम कृष्ण बोहोरा, पुस्कर कोईराला, विकास पौडेल, पुस्पा बन्जाडे रहनुभएको छ ।  साधारणसभामा प्रमुख अतिथि साउथ अष्ट्रेलियाको बहुसास्कृतिक आयोग सदस्य मञ्जु खड्काले समाजले खासगरी विद्यालय मार्फत यहाँ रहेको नेपाली समुदायमा पुर्याएको योगदान ठुलो रहेको बताउनुभयो ।  कार्यक्रममा विशेष अतिथि स्थानीय म्यारियन काउन्सिलकी काउन्सिलर रेनुका लामाले समाजले नेपाली समुदायमा पुर्याएको योगदानको चर्चा गर्दै आगामी दिनमा पनि नेपाली समुदायमा विभिन्न कार्यक्रमहरु मार्फत थप योगदान गर्ने विश्वास व्यक्त गर्नुभयो ।  कार्यक्रममा एनआरएनए अष्ट्रेलिया उपाध्यक्ष तथा साउथ अष्ट्रेलिया संयोजक संजय पुरी, एडिलेड नेपालका पुर्व अध्यक्ष पुस्कर कोईराला, नेपाली भजन कीर्तन समुहका अध्यक्ष खगेन्द्र सापकोटा, नेपाली पाठशालाका उपाध्यक्ष देबेन्द्र खरेल लगायतका बक्ताहरुले साधारण सभा सफलताको शुभकामना व्यक्त गर्नुभएको थियो । उद्घाटन सत्रको अध्यक्षता समाजका अध्यक्ष देवराज कडेल, सञ्चालन सचिव आर के शर्मा र स्वागत उपाध्यक्ष सागर श्रेष्ठको स्वागत मन्तव्यमा भएको थियो । सन् २०१२ मा स्थापना भएको समाजले कार्यक्रममा पूर्व अध्यक्षहरु, विद्यालयका पूर्व प्रशासक तथा प्रिन्सिपलहरुलाई माया चिनो सहित सम्मान गरेको थियो । साधारणसभाको बन्दसत्र संचालनका लागि रेनुका लामाको अध्यक्षतामा मञ्जु खड्का, रमेश जोशी, नविन कडेल, यदु आचार्य रहेको पाच सदस्यिय अध्यक्ष मण्डल निर्माण गरिएको थियो । बन्द सत्रले अध्यक्ष देवराज कडेलले पेश गरेको गतिविधी सम्वन्धी प्रतिवेदन, कोषाध्यक्ष आनन्द वखरेलले पेश गरेको आर्थिक प्रतिवेदन, पव्लिक रिलेशन अफिसर सुरेन्द्र रेग्मीले पेश गरेको विधान संशोधन प्रस्तावलाई पारित गरेको थियो ।निर्वाचित कमिटीलाई अध्यक्ष मण्डलकी अध्यक्ष रेनुका लामाले पद तथा गोपनियताको सफत गराउनुभएको थियो भने नव निर्वाचित अध्यक्ष दहालले समाजले बार्षिक रुपमा गर्दै आएको कार्यक्रमहरुलाई निरन्तरता दिदै नेपाली समुदायमा थप योगदान गर्ने प्रतिवद्धता व्यक्त गर्नुभएको थियो ।

एडिलेड नेपाली समाज अष्ट्रेलियाको आयोजनामा देउसी-भैलो कार्यक्रम ( २०२४ अक्टोबर ३०) भव्य रुपमा सम्पन्न भयो । कार्यक्रममा एडिलेडमा रहनु भएका अभिभावक सहित समुदायका सदस्यहरुको उपस्थित रहेको थियो । बालबालिकाहरुले नेपाली कला संस्कृति झल्कने नाचहरु प्रस्तुत गर्नु भएको थियो । भने गायक क्षितिज सापकोटा सहितका देउसेहरुले नेपाली मौलिक देउसी भैली प्रस्तुत गर्नु भएको थियो । साँझ ५ः३० बजेदेखि शुरु भएको कार्यक्रमको समापनमा सेल, तरकारी, अचार र चियाको व्यवस्था समेत गरिएको थियो ।